今日下晝同咗大家姐同亞媽去旺角買金飾, 見lee排金價高企, 我順便拎埋幾年前annual dinner 抽到個隻金馬去賣呀, 不過盒嘢個盒都重重哋, 拎住周街行幾粒鐘都好甘吓!
我哋2點幾開始行, 唔覺唔覺我哋喺旺角行咗參唔多5粒鐘, 睇完先知原來家陣啲龍鳳鈪同錬有咁多款式而且幾靚添喎, 睇到眼花撩亂, 最後家姐都去咗周生生買龍鳳鈪。
哈!咁啱我隻愛駒又係周生生出品, 跟住我哋就叫sale 屎哥哥幫我哋賣咗佢, 於是我哋就用隻馬去換龍鳳鈪, sale 屎哥哥就拎咗我隻愛駒去磅重, 話時話我都唔清楚隻馬仔幾重, 我淨係記得幾年前嘅市值大約8千蚊(計埋手工)…嘩!唔講真係唔知原來隻馬仔都參唔多有2兩架, 家陣賣出去扣埋手工都唔只值8千, 發達喇…家陣先知原來"金"真係咁保值架
!
沒有留言:
發佈留言