小小嘢都做唔到

唔知大家有冇過比人話:「小小嘢都做唔到!」, 尋日我就比咁話喇, 話說尋日係大家姐嘅牛一, 佢約咗我同亞媽重有大力去荃灣食飯, 去到見到見肥師奶又坐咗喺度

, 原來排骨仔第二日要考試, 所以二蔗弧叩亞媽帶埋肥師奶出嚟, 費事佢阻住哥哥溫書喎!

食到咁上吓, 肥師奶無啦啦停哂手, 跟住就同我講:「我想去洗手間…」, 之但係嗰個係踎厠我著住條裙唔多方便帶佢去, 咪諗住叫家姐帶啦, 好明顯家姐采我都傻啦, 肥師奶見到我喺度hea, 唔想郁咁, 就話:「小小嘢都做唔到,咁渣架你…」, 估唔到比個5歲都唔夠嘅靚妹咁串法, 激死人喇~

之後我梗係不甘示外弱啦, 勁串番佢, 佢夾唔到餸、著唔到件外套, 我都話番佢:「車!小小嘢都做唔到…」,死未!