今日要暫別法國遠征瑞士.....不過閃之前再行多陣馬賽先.....早餐方面...都係呢啲"空氣包"啦......係幾好食嘅...之但係真係好似食空氣咁....好快又肚仔餓....
呢餐終於有啲新意...可以飲杯咖啡...呢杯係亞袓喺歐洲飲嘅第一杯咖啡....亦都係最後一杯...無他嘅...查實...亞袓係唔飲咖啡架...不過一杯半杯試吓都ok嘅!
又係呢度?!係....又係舊港...尋日未行哂吖嘛....呢度重有其他嘢睇架!
呢啲係護城場....當然都係n咁多年前起架啦.....
歐洲真係超勁多教堂....好多都好靚架.....
再行落啲就真係好得人驚...呢邊好雜架....連個路人甲一路教我哋行一路叮囑我哋要小心啲....真係要行快步呀......
行完又食喇...都話食空氣包好易餓架啦....haha...嘆番杯先啦.....
又係硬柴柴包.......
呢個沙律幾好味架...至like佢啲芝士!
呢個牛扒都ok....薯條都好味......
魚都唔錯.........
食飽又要收拾細遠...向瑞士進發.....拾火車都不忘飲飲食食.......
搭咗5粒鐘車終於都到日內瓦喇....不過....其實我哋只係嚟借宿一宵架咋....我哋嘅目的地係Zermatt(策馬特)先真.....今晚就係喺呢度借宿一宵....間酒店好似唔錯咁喎!
間房都係一般啦....
由於聽日晨早出發...真係7點就要閃喇......好似冇乜時間瞓咁....所要慳慳哋...only租咗間3人房....要屈吓蛇!
嘩!有好嘢....雖然人哋用嚟熨褲...但係我哋梗係用盡佢啦....乜都攝入去興興佢!
由於我哋去到日內瓦都已經夜夜哋...食得飯嚟都9點幾喇....周圍啲食肆都關哂門....喺冇選擇之下唯有去呢間食啦(其實我哋入去之前都睇過menu...啲嘢確係唔平)
冇法啦...食中菜真係會貴啲...一次啫.....
我哋餓到連呢碟蝦片都唔放過....一件不留.....
酸辣湯...又唔錯喎.......(見到幅相...家陣都好想飲添....)
宮保雞丁.....不過唔多辣...味道都ok啦....
炒飯一碟....又幾好食喎.......
椒鹽排骨....同平時見到嗰啲有啲出入...都ok啦.....
炒通菜....重係腐乳炒通菜....不過又冇乜腐乳味...加咗啲冬菇添...新食法喎...haha...
呢餐都食咗116瑞士法郎...堅! 好喇, 食飽真係要早啲休息喇...聽日要5點幾起身呀!
(Empty)
回覆刪除