四對converse@法、瑞 - Day 12

一早起身望吓出面乜環境先...唉...."烏卒卒...好似好似一隻黑蟋蟀"....揀直係烏雲蓋頂嗰隻.....重好凍添.......so bad..............

由於間酒店嘅早餐實在唔多掂...我哋自己去買啲包包帶去酒店間餐廳食...貪嗰度有飲品供應嘛.....haha...........

本來今朝嘅節目係遊湖架.....不過....咁嘅天氣...加上時間上真係唔多配合到...唯有放棄......頭皮喺附近影幾張相當遊咗啦......

冇得遊湖就早啲執埋行李閃啦....其實今日我哋要離開瑞士喇....不過走之前去埋Bern(伯恩)行陣先.......又係搭火車時間喇....................

拎住啲行李又點可以周圍行呢....所以一到佰恩我哋就搵儲物箱擺好啲喼先....我哋呢啲死窮鬼梗係慳得一蚊得一蚊啦....兩個儲物箱擺4個大喼...呢個陣勢我哋攪咗好耐架喇.....真係搬都搬到手軟........

好!終於可以出去行陣喇......好彩去到伯恩天熱好轉啫...yeah!!

喺伯恩有好多噴水池架...真係一街都係....全部都係古物嚟架...好似呢個咁佢叫"吹風笛的噴水池".......好colorful架...............

呢度就係Kafigtrum(牢獄塔)喇.....個牢獄塔又幾靚架喎衰鬼!

行咗一陣又到食lunch時間喇........

又係一堆不知名嘅menu.....

朋友仔們就嘆咖啡...........................

我依照都係ice tea同ice tea囉..................

食完lunch就繼續行.....又係噴水池...呢個係"獵人噴泉"....

呢個咁恐怖嘅就係"食人鬼噴泉"

呢個時鐘塔都好出名吓咁...不過....佢真係相當流吓...以為佢一夠鐘就有聲有色....典知佢真係無聲無色......吹漲.............

行多幾步就見到呢個"Zahrin genbrunnen噴泉"...

再行前又見到森姆辛像...................

再行前就去咗上網喇...因為過兩日就走...要上網check in咗先....唔想坐飛機嗰陣天各一方呀.........呢度上網梗係要錢啦.......好似係大慨一蚊港幣一分鐘倒啦.....

check in完又繼續行喇.....呢個係"正義女神噴泉"......

之後我哋就諗住行去睇熊埸架.....有真熊仔睇架........一路行一路行...

附近都幾靚架喎.........前面就係喇........

不過....可惜......隻熊仔屎咗喇......緣慳一面!

睇唔到熊仔就行去睇二度睇啦......呢個係"摩西噴泉"...

呢度係匯雲信茲大教堂....好大好靚架......

你睇....真係有唔少"遊客"喺度影相架...haha......

 

入面都好大架................................

參唔多要搭火車走喇......不過要搭幾粒鐘火車架...要買定晚餐上車食....Burger King我哋嚟喇............................

拎埋喼就去等車喇......再見喇瑞士.......下一站係巴黎!

呢程車都唔平架....要搭4粒鐘....

上車瞓吓又食吓........慢慢長路呀...........

不過個飽好似乾咗啲...冇乜汁咁......

去到巴黎參唔多10點咁滯....人影又唔多個....又搵唔到間酒店...真係幾得人驚....好彩遇到個好心嘅女士帶路咋.....唔係我哋幾條盲毛都唔知搵到幾時!

不過呢....典解呢間酒店咁有"時鐘酒店"feel嘅....加上我手震震咁影....再加添一啲捉姦嘅氣氛...就係冇得頂....

難得一間有冷氣嘅酒店.....呢度重係住兩晚添......正呀!