難得今日唔駛過住走佬嘅日子.....好開心呀.....呢度可以住兩晚....yeah...不過....可惜呢間酒店啲早餐超唔掂啦!
真係肉都冇塊...蛋都唔多隻架.....
唯有優點就係多飲品種類....茶包都一堆.....
食完早餐就開始今日嘅行程喇....好緊張呀....今日去少女峰呀....超凍....買飛嘅時候個哥哥仔重話今日下晝天氣會轉壞呀....叫我哋早啲出發....
就係咁....我哋拿拿淋就搭車上山喇......先去搭火車去東站嗰邊......我哋住嗰邊係西站嚟架........................
再轉一輪火車去搭登山纜車.....不過....天氣開始轉壞喇....落雨添....雖則雨勢唔大...不過我哋都已經好擔心呢個天氣上山乜都睇唔到呀..........
不過又好彩....過咗一陣天氣又轉好....終於可以搭登山纜車喇.....轉車再轉車....啲車程足足兩粒鐘........
搭車沿途都已經望到少女峰喇....重已經feel到好凍吓......
到喇到喇.........好展張呀...................
其實呢度有幾層比人參觀架.......
你睇...真係幾凍架...........................
先嚟去頂層遠眺一吓個雪山先....嘩...好大的風呀....吹到頭甩髻甩!
實不相瞞...其實影嗰陣都唔知自己影緊啲乜...周圍都白色...家陣先睇真啲相咋!
又係影到此一遊嘅時候喇............
遠眺完就行落去感受一吓啲雪喇....呢度冇山頂咁凍呀...........
重可以玩雪兜呀.....唔駛錢我梗係唔放過啦....不過.....淨係得我呢個大唔透玩咋!
玩咗兩轉雪兜真係夠哂皮...入去室內睇吓紀念品先.....嘩....天氣開始變壞喇.......原來出面開始落雪....出面真係好朦朧吓.......
好在去咗室內啫.....
其實已經成點幾鐘喇....肚仔開始餓...我哋又唔知上山要咁耐冇準備食物呀...呢度一碗辛辣杯麵都成5.5Euro...即係成5草嘢一個杯麵....真係超貴...我哋幾條cheap精只係買咗排細嘅三角朱古力頂吓咋!
冇嘢食唯有玩吓寄明信片啦...我都寄咗張比自己呀....呵呵!
好...抖完就去埋冰宮參觀先...........
其實冰宮入面都冇乜特別...得啲冰雕同冰雕....
行完冰宮就回程喇....又再搭番兩粒鐘車落山搵食......又落大雨....重要得一個人有拎遮咋.....頭皮喺車站附近搵間嘢食算啦...成4點喇....真係餓鬼屎.....飲番杯熱嘢先.....
一人半個包...........啲時間咁尷尬....下午茶又太晏...晚飯又太早....唔敢食太多喇!
之後就番酒店拎番把遮又出去行過...不過都係去買吓古古力...水同食物就番酒店喇...番到酒店又開過餐.....平靚正嘅一餐!
F
回覆刪除