搶閘...

oh....乜亞祖呢期唔係寫開法瑞之旅咩....無啦啦做乜多咗篇九唔搭八嘢呢?! 冇錯...呢排一味掛住寫個遊記.....對亞祖而言確係有啲"膩"...所以想寫吓第二樣嘢抖抖先! 放心啦....其餘嗰3篇遊記好快會交貨架喇!

其實除咗想抖抖之外...重想表表佢....今次想表吓我個新相識朋友仔...火星人呀....即係一齊上西餐班嘅同學仔....佢好有心機咁整咗啲pesto醬(上堂師傅教我哋整架)...重分咗啲比我哋呀.....一人一樽....真係不愧係一個好學生...."學以致用"...冇得頂! 其實淨係打開個樽蓋聞吓都已經feel到好香.....

就係因為佢呢樽醬....準備收爐搬家嘅我...都忍唔住煮埋呢"最後一擊"試試佢!

火星人嘅pesto醬加埋小青蛙捐比我嘅茄醬真係慳唔少...haha..真係比小青蛙更慳!

就係咁喇...不過...個樣好似悶咗啲......

又玩吓整色整水先....加啲早去喺法蘭西買嘅芝士....切條擺上面再拎去叮.....

重有加啲剩餘物資parma ham.....

加埋啲pesto醬....好味呀....個醬真係冇得頂! 好好味...多謝哂呀火星人!!