西餐班part 2 - 第2堂

又到星期六...又係食好嘢嘅日子....實不相瞞....查實join個西餐班嘅主要目的都係想有餐好嘢食啫!

淨係睇呢幾碟嘢你又估唔估到我哋想整乜呢...有洋蔥...有麵粉...有咖哩粉....真係....講你都唔信....呢啲材料...係用嚟煮湯架....吓...."咖哩粉" 煲湯?!我又真係聞所未聞....好詭異....真係要見識吓.......

先要將上述嘅材料炒香再加上湯.......

煲到咁上下就加"濕米"....食濕米...真係啱哂我啦!

再加埋吞拿魚........

最後落埋鮮奶同忌廉就完成喇....

色水唔錯掛....加埋啲芝士粉同蕃茜係咪重靚呢....又真係估唔到佢又幾好飲架喎...有少少咖哩味幾香....唔錯唔錯!

之後就整焗薯喇.....首先就要焗熟啲薯仔先.....

之後就要炒吓啲洋蔥...煙肉同紅色嘅燈籠椒....

原來都有step架...要炒咗煙用先....再用番煙肉啲油炒埋其他嘢....真係超香呀!

之後就要切開啲薯仔...再將啲煙肉,洋蔥, 紅椒, 芝士等灑上個薯仔度....再拎去焗....

趁啲薯仔焗梗...要準備個主菜...就係猪扒喇...首先..要用n咁多種調味料去醃醃佢..

跟住就拎去煎...好香呀......

煎好喇....啲焗薯都得喇...好豐富....掂! 之但係...原來師傅唔記得煮個汁....所以今之塊扒冇嘢點....不過....塊扒醃得好夠味.....就咁食都好得!

其實今日除咗有扒食之外重有靚湯飲呀....真係要多謝小青蛙爸爸慷慨解囊....捐咗兩碗湯比我....多謝哂....當然...重要多謝小青蛙呢個外賣仔速遞啲湯比我啦! 你睇....啲湯真係一滴油都冇架...重好夠味好甜添呀....係咪好羨慕呢!