明洞@尖沙咀

尋日番西餐班前幾咗啲同學仔一齊食lunch.....今次終於有啲新意喇...去咗食韓國嘢....唔駛再去爛記茶餐廳! 其實之前睇個"開飯"呢間嘢確係好似幾得咁!

就係呢間喇.....明洞....快餐....果然係快靚正呀!

我哋5兜友叫咗3樣嘢share....有石頭飯...熱辣辣....好惹味呀!

撈吓佢先食....真係好得!

再嚟呢個chewy 冷麵...好似好激咁....不過...其實佢唔係好辣...少少辣又酸酸哋, 啲麵又夠凍而且又真係好chewy....真係好好食!

呢個係極級牛肋骨飯....你睇啲牛肉真係好得咁....都係果句啦...好食!....啲牛好淋...咖哩又好食..重有啲菜撈埋果啲唔知乜醬都好好食呀!

成餐嘢都唔駛2舊水....5個人分...呢個價錢真係襯哂我呢啲海啸大聯盟嘅盟友!好嘢夜晚開飯又多一個飯堂...yeah!