一蚊雞

前兩日同咗屋企人去稻香開飯賀吓大家姐牛一.....

彤彤: "乜樹呀...人哋都未瞓醒....乜今餐又咁好餸呀....唉!今餐又冇我份喇! 唔知幾時先有牙仔食多啲好嘢呢! 係喎祝媽咪生日快樂先!"

冇錯...今餐又真係幾好餸架.....雞都有兩碟...鬼咩...一蚊咁抵真係要叫多碟呀!

重有龍蝦吔.....

菜當然係唔少得啦....重有斑腩....唔錯!

再嚟多個生炒糯米飯...超飽....

重準備埋生日蛋糕....飽到亞媽都唔認得....