OUT爆西餐班(一)

成日都話寫....攪咗成年先年先捨得動筆添......冇錯....就係想update吓成日話想寫嘅西餐班...百零蚊一堂...有得玩有得食確係要推介一吓!

呢個就係第一堂整嘅功課.....什麼焗蟹蓋啲friend啦...其實啲料真係蟹蓋嘅嘢嚟架...不過用個貝殼代替蟹蓋....味道一樣咁好!鬼咩...啲餡其實係師傅整架....實掂啦!

咁我哋有乜攪?咪就係負責擺啲餡落個貝殼度...再喺周圍唧啲薯蓉....再加啲芝士粉就可以拎去焗.....

焗好喇....金黃色幾靚....

呢個就係亞祖嘅傑作喇...熱辣辣好好味...

話時話...明明教整西餐架嘛...做乜鬼比隻雞碟嚟...確係型!

大家估吓呢個汁用嚟點乜嘅呢...唔知?嗯...你梗係冇去過食"高級"西餐啦...師傅話呢個汁係要去"高級"餐廳先有架...呢個汁叫乜嘢名?嗯...嗯...嗯...唔記得啦!

冇錯...個汁其實係用嚟點牛扒架....啲扒確係好正吓...我拎番去比兩隻小魔怪食...佢哋食得幾開心....自此之後...佢哋個個禮拜六都等我番屋企拎啲好嘢比佢哋食呀!

煎好喇....好味.....