糕! GO 高

星期六...亞祖又去咗呢個似曾相識嘅地方....大家認唔認得呢度喺乜嘢地方呢.....貼士係...亞祖大慨3個月前嚟過呢度嘅.....重未估到?咁渣架....上次呢亞祖喺呢個海灘見到兩位索女喺度影艷照架呢...呢個貼士好大架喇....

開估喇...冇錯...咪又係長洲囉! 典解又嚟? 嗯...其實亞祖想嚟支持吓個retreat camp囉....一睇就知亞姐係遲到早退唔跟大隊嗰隻啦...所以攪到成點幾鐘先到長洲...重要搵個camp site....真係未去過唔識路呀....你睇...個camp site就係用紅圈圈住嗰度喇...山頂嚟架....真係考遠....又唔想麻煩其他人嚟接我.............所以.............亞祖決定.........一條冷慢慢爬上去!

其實...中途有條分叉路架....真係人生交叉點呀....天真又傻嘅亞祖諗住"條條大路通羅馬"...所以唔理三七廿一揀咗條"小長城"嚟行....睇吓風景都好吖!

你睇幾靚...難得咁好天!

天朗氣清架....

不過呢...成氣路真係鬼影都冇隻...行行吓都有啲淆底....

本來嗰日都幾凍吓架...不過行吓行吓真係要脫呀...熱屎咁滯!

到喇到喇....影番張相先....

個camp site周圍好似幾靚咁喎....

乜....個名好似唔多對路嘅...頂!行錯路添! 不過...我仍然堅持自己搵吓路先...硬係覺得就到咁..............

果然....轉個彎就到喇......不過...去到都2點喇....5點又閃...真係超趕!

咁亞祖5點又閃去邊呢.....咪就係去上西餐班囉....唉...攪嚟攪去...一篇西餐班嘅卜都未update過...要努力先! 明明已經搭完船仔由長洲去中環...又想搭多轉睇吓夜境...整多轉由中環去尖咀先! 唉....隻船又震...我隻手又震...啲相就更震.....

查實棵樹確係幾靚架...趁呢兩日冇咁凍...大家可以坐吓船仔睇吓夜景!