冇屎用

星期五晚....同朋友仔講起....叫亞祖要鍛鍊吓身體,唔好成日潺仔強咁....不過...大家講完呢段說話唔夠24小時...冇屎用嘅亞祖又出事....唉!

話說星期六朝早....懶惰嘅我懶得煮嘢食....頭皮隊咗個杯麵就算...又唔知典解食完個杯麵之後....硬係覺得有啲嘢頂住個胃唔多c服咁.....hea咗一陣之後又好似好啲....臨出門口番西餐班嘅時候又醒起屋企有盒樹多啤梨未吔...又恐怕唔可以再擺咁耐...(你知啦...通常啲亞婆都係怕嘥嘢架嘛)...諗住隊完再出門口囉....典知....隊咗大半盒樹多啤梨次後發覺真係唔對路...再食應該係會嘔囉! 所以唔敢再食落去喇.....又趕住出門口...又好似想嘔咁....唯有帶定個嘔吐袋出街啦! 其實搭地鐵嘅時候.....已經超想嘔...不過...成村人喺度真係唔多考意思...唯有死忍...就係咁....忍...忍...忍...忍到尖咀落車行埋出街.......重要死埋一邊先慢慢嘔(確係非常滋陰)....終於....嘔咗成袋樹多啤梨出嚟....紅卜卜成袋血咁, 好鬼恐怖 (我諗短期之內唔會再食囉!...haha...恐怕睇完呢篇嘢啲人都同我一樣)

唉....橫掂都出到去...為咗唔好令兩個小fan屎失望...都繼續番埋個西餐班....最慘係嘔完又唔想食嘢(食咗少少都已經想嘔).....攪到成日淨係得個杯麵到肚...夜晚餓到瞓唔到呀...個肚餓到打鼓...就係咁打咗成晚鼓...

到咗星期日(即係今日)...當然係繼續病啦...瞓足一day....都係冇乜胃口食嘢....都係有餓足一day嘅感覺.....嗚...嗚...嗚...大家可能會話"車...你都成日病架啦, 有冇特別呀...." 冇....真係冇乜特別....今日...係我舊曆生日芝麻...嗯...今年都係病住咁過....冇乜特別囉!哼!(人哋上年個生日願望....明明係身體健康增多兩磅架嘛~好明顯呢個願望一啲都實現唔到啦).... 希望新曆生日唔會好似今日咁啦!