難為了家嫂!!

今日約咗8個同樹上我屋企搗亂呀, 難得咁齊人緊係玩盡佢啦...我同其中三件同樹就率先約咗喺葵芳飲啖茶食個包先....而小淫蛙同娘娘就晨早去咗北角街市買哂餸拎過嚟...嘩!啲嘢真係好q重架....真係辛苦哂!!

一枱都係嘢食...好味......之後再喺地鐵站集齊人馬飛的上我屋企....

一上到我屋企...小淫蛙就開始切切切同洗洗洗準備晚飯....真係辛苦哂喇家嫂....

另一邊廂嘅娘娘就好努力咁....抺呀抺呀....好有條理咁抺麻雀....集中精神抺牌嘅娘娘係咪好性感好有吸引力呢....

抺完牌緊係開枱啦....你睇....呢班爛賭"倚"......

另外亦有一啲乾物女(包括亞祖)去咗睇花師奶....

冇耐...另一個家嫂馬馬就嚟埋.....重自薦洗米添....實在太好喇.....

大家咁high....梗係要隊吓酒啦....紅酒白酒各一支.....

正想開家支酒攤吓之際....亞祖先醒起....原來我屋企冇開瓶器架....於是我就同陸師姐急急腳落街買啦....點知番到屋企陸師姐開酒嘅時候先發覺......嗰兩支酒係唔駛用開瓶器開架....係擰蓋架.......乜.........乜.........乜...........唔係支支酒都要用開瓶器開架咩.....嗯............好低能呀!算罷啦...個開瓶器留番下次用啦....

小淫蛙喺廚房博鬥咗參唔多5粒鐘之後(佢真係一條友攪哂...好堅).....整咗餐好豐富又好好味嘅晚飯過我哋吔......真係要高度讚揚吓佢....

首先嚟個足料冬瓜粒湯....

再嚟可樂雞翼.....其實我都係第一次食咋...

草菇肉碎一大碗...........

金菇肥牛卷....呢個...我同馬馬都有幫手卷架....

黑椒牛仔骨.....

重有蒸帶子......

象拔蚌(sorry...更正係貴妃蚌至真)......個人認為呢碟最正....啲蚌精真係好鮮甜又爽口好得....................

海斑一條......好味.......

重有飯後果.....西瓜....多得M姐用刀仔据大樹嘅方法据開個西瓜.....堅!

最後....真係要好好表表佢...就係馬馬同陸師姐....洗碗同抺廚房大使....經佢哋攪一攪.......個廚房重乾淨過之前....

兩位大使除咗幫手洗碗之外....重好有心機幫我pack好啲剩餘物資....真係唔該哂!!好揀動呀....多謝家姐......

查實...成餐飯又真係冇乜出過力....真係唔多好意思呀....不過今日又真係玩得好開心, 希望你哋都係啦! 期待下一次嘅gathering....家因...我個廚房重需好多熱心公益嘅市民去抺吓同洗吓囉.....