大件夾抵食

今晚放咗工見冇乜細藝就搵咗個朋友仔出嚟開飯, 又難得個朋友仔一時慶起提議去元朗開飯...於是我哋就喺旺角飛咗架巴士去元朗.....好咪好型呢.....

由於係閒日嘅關係...元朗嘅人流真係唔多, 基本上啲食店都唔駛等位....行行吓見到呢間佈置得幾靚仔嘅意大利餐廳......於是就入咗去試!!

我哋叫咗兩款小食,一個沙律同一個意式千層麵....話時話元朗啲嘢又確係又平又抵....碟碟都大大碟架.....味道都唔錯....

呢個係蝦多士嚟架.....真係大大件...成塊麵包.....好堅!

焗田螺...呢碟嘅size同出面參唔多啦.....味道都ok呀.....

呢就係好靚仔嘅燒牛肉沙律......靚仔得嚟又好味.....

千層麵(oh...手震呀....真係震過貓王呀).....不過....由於太飽嘢關係食唔哂添.....