澳門三日遊 - Day 2

到咗第二日, 晨早九點幾就check out去咗酒店附近間酒樓食個早餐醫吓肚先．．．．之後．．．我哋呢班無証兒童就去咗澳門嗰邊繼續餘下嘅行程．．．．．．

一枱都係點心．．．正呀．．．．

去到澳門我哋就去咗酒店check in 先．．．雖則呢間酒店唔算好新．．．不過都尚算乾淨．．．．點都好過尋晚嗰間！

擺低哂啲嘢喺酒店之後又要去搵食喇．．．．事關攪得嚟都已經點幾點．．．．今次我哋去咗三盞燈．．．其實呢度又真係比較少去．．．．冇乜印象添．．．

由於大家都餓餓哋，一去到就忍唔住掃吓街先．．．．呢檔嘢聽講係有啲名氣架喎．．．不過．．．唔知係咪啲醋太酸呢．．．有啲頂唔順添．．．其實除咗呢檔之外．．．．佢哋連隔離檔嗰啲涼炒冰同粉仔都唔放過呀．．．．好堅．．．．

掃完一輪街再轉戰緬甸餐龐．．．．呢個又真係未食過喎．．．．

又係叫到一枱都係．．．．有椰汁雞麵‛緬甸撈麵‛魚湯炒‛雞絲撈麵‛椰汁雞配薄餅......咁多種之中．．．我就比較鐘情於椰汁雞配薄餅．．．唔錯唔錯．．．

食飽之後又出發去搭纜車喇．．．原來我啲屋企人唔知呢度有纜車搭架．．．印象之中．．．數年前同啲朋友仔都搭過．．．唔知你哋記唔記得呢．．．．

好明顯．．．”搭纜車”呢個行程係為咗排骨仔而設架啦．．．搭完纜車上山又冇乜細藝．．．所以ｈｅａ咗一陣就搭番纜車落山．．．跟住下一個行程就係次次都必去嘅大三巴喇．．．

星期日再加上母親節．．．真係超多人．．．行呀行．．．終於到喇．．．．

我哋呢啲”專業”嘅model對住鏡頭梗係龍精虎猛啦．．．不過．．．其實．．．喺鏡頭後．．．我哋已經．．．攰到屎咗！真坐低抖吓．．．．

唔知點解．．．明明個個都好攰吓．．．不過仍然堅持繼續行囉．．．肥師奶呢個pose係咪好英呢．．．唔覺意凸埋個肚腩仔出嚟添．．．

睇完幾錄炮大家已經攰到屎咗．．．．最後都係要番酒店瞓個晏覺先繼續出動．．．一瞓就瞓到８點先去開飯喇．．．．

今次搵間咗近近哋又可以喺順便喺附近買手信嘅地方食．．．．

聽聞呢度嘅蝦子撈麵好出名架．．．梗係要試吓啦．．．＄１８一碟．．．不過好細碟吓．．．大食嘅亞祖當然係唔夠食啦．．．楝直係到喉唔到肺．．．要encore嚟多round先得呀．．．．

大家姐就食咗個猪手麵．．．．

再整多個炸鯪魚球添．．．．

買完手信再行去義順食番碗薑汁撞奶就夠哂皮喇．．．不過．．．乜啲薑汁撞奶咁稀架．．．重稀過我整嗰啲呀．．．唔掂呀．．．回水回水回水回水回水．．．．