澳門三日遊 - Day 1

難得連續有三日假期, 梗係唔好嘥啦...今次就同咗屋企人去澳門玩....由於星期六要standby support...所以屋企人先行一步...我下晝一條冷去澳門同佢哋匯合啦...

原本諗住早啲去碼頭wait班早少少嘅船...不過12點先有call...想早少少閃都唔得

由於時間關係...都係買個包上船食算啦....

佢哋晨早去到澳門...一嚟就咗食大茶糕同葡國菜喇....重行埋威尼斯人添呀....車....唔等我...乜原來個個都以為我去過威尼斯人所以唔等我就去咗....激屎人喇....

算啦...下次去過....今次都係去番沉悶嘅漁人碼頭先啦...

行到咁上下就去咗食晚飯喇.....

一場嚟到....梗係要食餐好啦......各位朋友...雞燉翅出場喇....

其實啲個湯先係精華所在...好甜呀....好味....

其實煲翅好大架....所以叫咗幾個小菜就算喇....有羅漢齋

肉絲炒麵......

炒飯一碟......

生炒骨...都唔錯......

由於第一晚住嗰間酒店喺珠海...所以食飽飯之後我哋就要好似啲無証兒童咁趕住過關番大陸瞓喇....

不過.....嗯....間房確係舊咗啲囉...之但係由於太攰喇....碌到3點都終於瞓咗喇....