SHIT!!!

真係唔好意思呀...今日個標題好似粗鄙咗少少.....不過...lee個標題又真係同我今日嘅遭遇甚至連食嘅嘢都好配合...所以....冇法啦!!

就講吓今朝先啦...媽媽九點幾就打嚟morning call....原來尋晚半夜兩點鐘有條茂利落咗個call...今朝晨咁早條茂利又走去問媽媽攪掂啲嘢未....頂!莫非條條茂唔識睇鐘嘅....我哋明明standby到12點咋喎...做乜叉嘢半夜落call呀...lee個時間落call鬼知咩....黐黐哋!

好辛苦先捱到下晝3點....終於可以出街抖吓氣....先去咗沙田hea完再去旺角hea....本來諗住喺旺角join個同樹一齊行街街嘅...不過我lee啲老人家行又行得慢....hea到參唔多六點先hea到旺角...hea到個同樹都番歸lu...算罷啦...我都係諗住hea 一陣食完個飯就閃....不過真係要食餐好呀...下晝淨係喺屋企食咗個"福"字麵咋!

正當我諗梗今餐食乜餸之際...諗吓諗吓又行吓行吓...無啦啦就hea咗去MPM....嘩!犀利....成幢嘢乜q都冇....正當我諗住hea埋最高嗰層先閃之際又比我發現咗個新大陸!

乜有個咁靚仔嘅廁所呀...走去八吓順便放低襾先....我...我...我....真係咁諗架....

不過...再睇真啲....好似唔對路喎! 乜原來係餐廳嚟架....好低b呀! 間嘢啲裝修全部都係廁所嘢嚟架...有尿兜、米田共嘅燈...好攪嘢...喺好奇心驅使之下入咗去幫趁! 又咁啱無啦啦拎咗部相雞出嚟...可以影餐飽!

四周圍都掛住啲浴巾....

張枱係洗手盆嚟架....當然...要擺塊透明玻璃喺上面啦...唔係擺唔刑食物架嘛!

lee個馬桶係真架...坐喺度食嘢都幾方便....可以一路食一路....

個menu都趁番哂成間嘢架...嗯...啲食物都唔算貴...幾十蚊一個set....ok 啦!

我叫咗個所長推介(亦即係廚師推介)...無錫排骨...味道一般啦...一試無妨嘅! 大家放心個馬桶入面絕對冇屎架.....估唔到08年第一餐晚飯就係食馬桶果啲嘢....該煨!!

重有其他相架.....見到隔離枱有尿兜飲品架...好攪笑...不過唔好意思影! 

不過個set dinner嘅份量..好似細咗少少囉...加上天氣涷嘛....未番到屋企都有啲餓喇...番屋企前喺惠康掃咗少少貨...番到屋企再煲多個白菜仔湯暖吓肚先...