燒炭

今晚放工又約咗幾個同樹去西灣河......燒炭........就係lee幾位同樹喇...大家都好睇唔開呀....約埋一齊去後行燒炭.....係咁食同食.....肥死啦....唉!後生女乜咁睇唔開呀....

一嚟就玩燒炭....燒雞軟骨同雞腎...

重有鱔片....由於太大火嘅關係.....燒到啲竹簽著哂火呀....救命呀...火燭呀....

lee個細火燒嘢就啱喇....lee個係鴕鳥肉嚟架....

齋燒炭梗係唔夠啦...再打埋個邊爐就啱啱好...魚湯底...啲湯好味呀!!

個脆鯇同墨魚ball....兩樣都好好食....

有羊肉同一堆吸盤(八爪魚)....

重有瘦身姑同桶蠔....

lee個係推介...好食呀.....唔知乜叉嘢牛頸脊....$98一碟...

食飽再隊多碗豆腐花...超勁飽....後面嗰碗係超級臭嘅榴槤甘露...真係好q臭呀....食完碗嘢啲人唔好同我講嘢呀....

又打邊爐又燒炭...兩個禮拜打咗3次邊爐, 今個星期日又約咗肥師奶佢哋燒嘢食...重話要燒足一日....嗯!我諗...我應該就嚟爆蒼而屎呀!!