星期六同咗幾個朋友仔去咗元朗...我lee啲港燦又真係一年都未必去元朗一次, 所以一去就要玩盡佢, 去完南生圍散步同去下白泥睇日落! 我哋嘅行程都好緊密吓....又好彩天公造美...嗰日天氣真係超正, 正確嚟講係有啲熱添...
我哋一行五人喺元朗集合(唔好意思呀遲到添.....sorry...sorry
).......第一站梗係去醫肚食個lunch先啦,勝利牛丸又確係唔錯!
由於大家唔多知點去南生圍嘅關係...所以我就提議飛的去啦...我睇人哋啲web site啲人話飛的$20倒就去到架喇....點知咁就出咗事喇! 架的士左兜右兜咁(其實司機叔叔唔講我哋都唔知
)....最後搭咗成舊水咁滯...不過個司機叔叔又好老實咁話自己兜咗路....收我哋平啲...又問我哋平時搭開幾錢....大佬...我哋都係第一次搭鬼知幾錢架咩!於是司機收咗我哋$70蚊囉....話時話$20變咗$70.....究竟係我老花睇錯,定人比人老點呢....
其實一落車已經係南生圍....沿路有好多樹架....重有啲靚女喺度影沙龍...亦有個一對碧人喺度影婚紗相
...................................
lee個景應該係去南生圍必影....真係好靚架....
lee度確係有好多狗狗...查實大家好驚吓!
無啦啦有間屋仔...好攪鬼!
我哋重以為lee度好大....點知原來真係得條路仔..我哋喺度來來回回咁行.....行吓又影吓....hea飽先走.....一場嚟到...天氣又咁好影多幾張相都好!
hea完就搭船仔過對面岸回程喇....真係幾步路咋..位位$5確係唔平!
之後我哋又搭van去番元朗市中心....去咗許留山老舖high tea....
再之後又再搭33嘅van仔去另一個景點"下白泥"睇日落....一去到已經有啲攝影發燒友影梗相喇.....見啲人成日影住個地下...我又睇吓先....真係有嘢影架....lee條唔知乜東東...好醜樣呀
前面lee兩位小姐好浪漫咁睇梗日落....好明顯我係狗仔隊...玩梗偷拍!
日落真係好靚架....不過要等呀等....
再來一個....真係好靚架!
睇飽又係食嘢嘅時候....夜晚又有條茂利join我哋開飯....我哋一路行街一路食雪糕一路等一路搵食....最後我哋去咗大排檔食
....好食而且好抵呀!有煲仔飯...
蒜蓉蒸蝦......
避風塘炒蜆.....
煎倉魚一條....
蠔餅一大碟...真係太大碟...最後食唔哂...
椒鹽鮮魷....
青炒豆苗.....lee啲咁清嘅嘢好明顯係我lee啲老人家叫架啦!!
重有滷水三拼....真係好豐富呀...碟碟都大大碟....食7 咁食都係位位$60....抵!
係喎爭啲唔記得要嗚謝一吓今次嘅領隊"亞妹"呀...唔係得你帶路我哋真係變咗迷途小膏羊!!(好明顯我係一個唔合格又不負責任嘅領隊啦....啲團友亦都好明顯係跟錯大佬.....不過好彩有新大佬頂上啫!呵呵!
)....
朋友仔們...遲啲我會upload啲相去相簿...到時再share其他沙龍比大家睇啦.....等我呀!!
下次可唔可以帶埋我去......~~
回覆刪除食飯呀~~
[版主回覆01/15/2008 10:47:00]好...下次call埋你去!
嘩! 大排檔果餐好得咁喎，係邊度、叫乜名? 介紹吓啦 ...
回覆刪除去南生圍司機兜路唔出奇吖，事關果d新界友自己都唔識路，我次次去親都發現司機兜錯路....
[版主回覆01/15/2008 10:49:00]好似叫勝記掛...老人痴呆唔係太記得添 ....地址更加唔知啦....lee位小姐好明顯又係跟錯大佬....我諗黃氏姊妹花應該答到你lee個問題!
其實你都幾稱職丫！「領隊」係咁架啦，「導遊」先係帶路嘛！
回覆刪除[版主回覆01/15/2008 10:49:00]lee位團友真係慷慨....
我只係識做呢個鄉下地方o既「導遊」，其他地方真係要靠晒你！
回覆刪除[版主回覆01/15/2008 10:51:00]哈...你認頭就得喇..元朗咁大有排玩啦...我諗住再戰元朗架, 下次靠你喇!!
去年元夜時，花市燈如晝 月上柳梢頭，人約黃昏後 今年元夜時，月與燈依舊 不見去年人，淚濕春衫袖
回覆刪除[版主回覆01/15/2008 10:58:00]lee位先生好似飲大咗喎...無啦啦玩吟詩.....
語譯﹕ 去年元宵的十五夜，花市的燈光照耀得如同白日，圓圓的月亮高掛在柳枝樹頭的天上，這個黃昏正是我與戀人相會的時候。今年的元宵十五，花市的燈光一如去年般照耀得燦爛，但是去年的戀人已不在身旁，懷想過去，不禁令人淚下如雨。
回覆刪除如有雷同實屬巧合, 此乃嘉賓個人意見, 絕不代表版主立場
唔 .. 樓下果位又唔多似飲大咗喎，不過講嘢有⻣啫 ..... 肯定係唔抵得人哋玩得咁開心啦 ...
回覆刪除樓下條㕲契...請不要對號入座...
回覆刪除我見黃昏既情景. 吟我心情only. 我再吟...
人有悲歡離合，月有陰晴圓缺，此事古難全。 但願人長久，千里共嬋娟。
解說
“ 人有悲歡離合，月有陰晴圓缺，此事古難全 ” 三句，轉為安慰的語氣；既然月有圓缺，人有離合，自古皆然，那是沒有什麼可悲傷的了。惟願彼此珍重，在遠別時光裏共賞中秋美好的月色.
嬋娟是中國神話中嫦娥的另外一個稱謂，通常代指“月亮”或者“月光”。“但願人長久 , 千里共嬋娟”是蘇軾《水調歌頭 . 明月幾時有》中流傳千古的名句，此處的意思是“只願互相思念的人能夠天長地久，即使相隔千里，也能通過月光來傳遞思念
大排舖係叫做「正記」 地址：元朗金輝徑好盛大廈1號地下
回覆刪除[版主回覆01/16/2008 17:54:00]胡考意思...禍啱啱游鼠落嚟....趕嘢唔正...個閹爭少少囉..."勝"同"正"參胡多啦.....
唔好意思 ．．．係大排檔先啱
回覆刪除犀利...果然係元朗老屎忽...你肯定響呢庶留左唔少腳毛同回憶
回覆刪除[版主回覆01/16/2008 18:08:00]lee位兄台....我lee度比較多文人雅仕...斯文少少得唔得呀!!
樓下o既IT人呀 , 依家網上o既資訊是很發達的~
回覆刪除[版主回覆01/16/2008 18:12:00]小姐...唔好意思呀...樓下位先生經常性黐黐哋...我話咗佢喇....釋怒呀....
樓下既元朗老屎忽....正覺話我聽你係元朗老屎忽..留底不少腳毛同回憶似d.
回覆刪除咁容易話得聽就唔係佢啦！
回覆刪除樓下下下: 多謝指教!
回覆刪除樓下下: 唔該你收聲 .... 靜d
大便在我腳下,
回覆刪除夕陽醉了...衰鬼,拍得很迷人!
回覆刪除[版主回覆01/18/2008 00:56:00]嗰度真係好靚架 ....下次再同你去吖!
如果係關生reply...都有機會下次..
回覆刪除如果係關太reply...下次比個官佢做吧
佢太飄忽..就好似一隻冇雀仔既雀仔..
[版主回覆01/18/2008 14:27:00]"冇雀仔既雀仔"...點都有啲啱喎...睇佢個款....應該冇雀仔架喎!