一日兩餐生日飯

尋日一日之內食咗兩餐生日飯...不過大家唔好誤會...雖則亞祖確係就嚟生日....不過我指嘅生日飯係幫人慶祝生日呀...其實幫人賀壽都好高興架....起碼可以約咗三五知己食餐好嘛!

其實下晝都係同啲同事去皇加沙開飯興祝一月同十二月之星生日....不過隔離department啲姐仔就分別用"壽頭"同"那星"嚟形容幾位壽星仔....嗯....其實...都幾貼切囉...不過lee餐確係冇乜特別! 反而夜晚嗰餐比想像中好食喎...百零蚊食得死你....質素都唔錯.....

我同咗幾個朋友仔去咗青葉食飯慶祝朋友仔"熟人"嘅生日(係喎...再祝佢今日生日快樂呀)...係日式放題嚟架...成枱都係紙仔比你點食物...有好多種類架...............

5條友食7 咁食....一枱都係嘢......

一輪喪叫之下...又攪到咁.....淨係刺身都有成堆....好堅架....之但係.....又真係食得哂喎...強呀...........

食飽飽同啲朋友仔一齊閃去搭車啦....當大家行去百老匯戲院附近之際....就發生咗件超勁恐怖嘅事喇....我哋一路吹水一路行嘅時候見到對面幾位年青人係咁哎"嘩嘩嘩...."+埋個超驚樣.....好明顯佢哋係受到十級驚嚇啦...大家估吓佢哋見到乜東東....

估到未呀.....其實...佢哋見到"米奇"呀...重係好大隻呀....當街當行咁橫衝直撞...真係好恐怖呀....又難怪啲年青人咁嘅樣啦....不過...我個樣當然係....比佢哋更驚啦....驚嚇程度有三十級添啦...真係超勁驚呀....話時話都唔知典解同親lee幾位朋友食親日本嘢都見到"米奇"架(幾年前同埋佢哋去食日本嘢...食食吓嘢居然有隻"米奇"走出嚟)...真係邪呀!