親親大自然

今日又放假喇.....係咪好唔抵得呢...你唔恨得咁多架喇....呵呵....你又估吓我今日去咗邊.....貼士係....

lee個地方對我嚟講確係好遠吓,我都係第一次去咋....首先要搭搭西鐵...

喺天水圍站再要轉"亨"鐵...lee個係好大嘅貼士.....

終於到喇, 我一落車第一眼見到嘅景物就係咁喇....話時話天水圍啲樓又真係好密集...不過啲樓密集又唔代表悲情嘅, lee度都有啲嘢好吸引架...至少吸引倒我嚟呀!

其實我今日係去咗位於lee幢樓對面濕地公園......查實咪係一條友戅居居咁去咗郊遊....簡稱"戅郊.......遊"......lee個名係咪好貼切

個門口有隻雀歡迎你架....閒日真好...冇人爭影相...

去到第一站梗係去探吓貝貝啦....貝貝瞓咗喺度呀...見唔見到呀?

睇唔到唔緊要...有近鏡...都係睇唔到? 咁你要去驗眼喇!

睇完貝貝就行咗入去自然保育區....環境唔錯架!

不過可惜今日煙霞好勁呀...影出嚟唔夠靚...當然影嗰個技術差都有關啦

哈!其實個環境好奇怪架...當你一另轉背又見到一幢幢嘅高樓大廈!

有蓮花...不過唔算開得好靚...勝在顏色好sharp!

又係我.....無聊自拍...希望唔會嚇親大家啦....

附近重有啲公作室...應該係比啲遊客做啲手作仔..介紹吓啲自然生態咁啦!

去到另一個area....有啲濕地嘅小動物睇...之但係lee條彈塗魚確係好肉酸呀!

重有幾間比人用嚟睇雀嘅屋....

其實lee啲屋仔入面冇雀架,祗係得幾支望遠鏡比你睇雀

我又試吓喺間屋啲門罅度影吓雀先...好細粒呀....我部傻瓜機淨係可以zoom到咁咋!

隔離用梗長鏡頭嘅亞哥就教我...用相機影個望遠鏡嘅影像, 佢重幫我校好個望遠鏡睇到啲雀好清楚添...嘩!係得架喎.......不過由於我唔多識就位, 對望遠鏡個位真難攪架.....對唔到焦.......影得唔好添!

影完雀又繼續行程...去撲蝶....隻蝴蝶飛嚟飛去好難影呀!

睇完野外就番室內...去大家樂high完個tea再睇埋室內啲展覽館先閃...行咗幾粒鐘...好攰呀

經過幾次自由含之後...真係好有衝動去學攝影呀...次次見到啲人拎住1碌2碌長鏡頭好pro咁影相真係好型呀....而我呢....就拎住部傻瓜機喺佢哋隔離亂影...好低b呀!....不過學攝影確係敗家嘢...唔知有冇啲傻瓜機精讀班可以試讀吓呢!