"嶼"樂無窮

今日又要清假喇....都係嗰句啦....難得閒日放假就唔好咁嘥hea喺屋企...所以今朝晨咁早9點未夠就起身去威喇!

又係去中環...不過今次要型啲搭船仔.....大家又估吓我今次去邊.....

答案係....梅窩! 由於時間關係...上咗岸第一時間梗係去食吓嘢先啦....餓死人!

又係頭皮搵間...嘩!又有幾多選擇架喎...有點心、蒸飯、炒粉麵、小菜...不過我都係揀番我嘅至愛....餐蛋麵加凍檸茶...正!

食飽飽就去咗銀礦灣行....嘩! lee個先係沙灘嚟架嘛...上次赤柱嗰個聖士提反實在太細喇...今次要hea番夠本...雖則唔識游水...不過行吓沙灘吹吹風都好c 服架!

hea 完沙灘又要趕另一個行程喇...我lee啲鴨仔團係趕啲架喇...無法啦!

熬咗一粒鐘車終於到大澳....一到步就有個亞姐兜搭問我有冇興趣睇中華白海豚...見時間尚早...好!!又試吓啦....嘩.....之但係....坐坐吓重以為自己坐梗大飛....個船夫喺海中心玩飄移...好得人驚......

中華白海豚船河開始喇....一嚟船夫就兜咗去棚屋嗰邊參觀....好靚架!

啲棚屋確係大澳嘅特色.....

lee張相喺同船嘅台灣人幫我影架...真係唔該哂! 睇完lee堆棚屋之後...船夫發咗顛咁開行turbo出去海中心喇....幾驚跌落海呀....出到海中心連一條魚毛都見唔到...就咁死咗好唔抵呀!

終於安全上番岸....周圍行吓先....

海味街.....lee條魚真係同我咁上下高架....堅!

周街都係哂咸魚.....

行到咁上下又係食嘢嘅時候....有豆腐、花魚蛋同雞翼!

行多幾步....乜又有亞蘇推介.....又試吓先...試咗個"眼鏡蘇", 車即係雞仔餅....真係唔多識欣賞, 算罷啦.....................

有雀呀...成日飛嚟飛去好難影架....

重有個唔知乜廟.......

行番出嚟準備閃啦...見到隊船隊又想影相吓先....

行過啲又有啲景睇吓喎.......哈...唔捨得走!!

重有條好長好長嘅橋...唔知通去邊呢....

hea吓hea吓又日落...終於捨得閃喇...好滿足嘅一日...cu喇大澳...下次再嚟過!