練習

趁今日得閒無事....黃昏嘅時候拎住部傻瓜相去咗老尖玩影相.....不過....星期日真係人頭湧湧....好鬼難攪.....

個天成日都灰灰黑黑咁,想影吓對面岸都唔得,唯有下次再影,影吓啲樹頂隱先啦!

其實今次係想試吓影夜景架....靠部機嗰啲auto setup真係唔掂!所以今次試吓扮勁去影吓夜景.....由5點幾等到6點幾先天黑....等到頸都長!

學吓人哋教吓啲ISO....嗯!又確係好過用auto.....不過隻手好唔定...成日手震.....

又玩吓黑白照....好明顯....技術同攞景方面尚有好多改進嘅空間...由其係攞景方面真係唔多識...家陣...淨係識贈興多啲....