下一站....杏花村

今朝如常搭地鐵番工,又如常咁一上車就坐低閉目養吓神.....(見到啲識嘅人都會扮...你睇我唔倒..你睇我唔倒....基本上日日都係咁)....坐吓坐吓....喺朦朦朧朧之中...聽到地鐵姐姐一把好甜美嘅聲音講..."下一站係杏花村"..吓乜話,喺邊話? 之後地鐵姐姐又講..."沙依綻屍善誇春" ....唔係fa.....地鐵姐姐又再三強調..."next station Heng Fa Chuen" ....頂!唔係fa幾時去咗杏花架...我幾時瞓咗架?! 吓...九點喇......$#&)$*@)$@#....明明頭先重聽到"下一站係天后架喎!"....晨早流流搭車都可以瞓到成隻猪咁, 真係威! (喺度番咗咁多年工都係第一次咋, lee期真係攰到黐肺!!)

喺lee個情況之下...當然係落車再過對面搭回車啦...之但係....喺杏花村站....若然要過對面線嘅話係要兜一段路架....不過話時話....當我行到去大堂嘅時候, 又確係有"悶悶哋...不如番母校行番轉"嘅念頭...當然...lee個諗法只係維持咗兩秒.....大佬....你估唔駛做咩....9點喇...快啲死番工司啦....唉!又遲到...攪到9點3先番到呀...明明今日可以準時架嘛....激死....

所以呢...小青蛙呀小青蛙...晨咁早問我尋晚餐飯幾錢....真係答唔到囉!!....人哋攰吖嘛....係咁架啦...好出奇咩!