08大計

尋晚無嚟啦耕咁同咗3個朋友仔去咗沙田開飯, 又知點解嗰三條茂利晨早去到又唔搵定位, 重擺我上枱叫我決定食乜...激死! 大家最後又聽我老點去咗食pizza...不過....啲嘢好似冇想像中咁好食喎(我見間嘢成日排長龍,以為好得添!)...唔知你哋有冇同感呢!

我哋4條友食咗4碟嘢....4隻大食怪...梗係將啲嘢食掃清光啦!

lee碟青bb嘅係天使麵....嗯!我都係鍾意食茄汁多啲....

拼盤...又咁啱乜鬼都係4舊....一人一件...都係一般炸物...一般味道啦!

ribs...入面冇乜味喎...哈哈...今餐做咗百彈齌主添....不過pizza都ok嘅!

叫埋飲品.......吹吓水又一晚喇..........

講咗咁耐都未入正題添....話說尋晚聽啲朋友仔講起佢哋嘅旅遊經驗....又幾得意...講到興起佢哋重定下08旅遊大計...相約下年一齊去柬埔寨...喂喂...係咪堅架...帶埋我去呀.....黃小姐重有個九寨溝呀...又係咪堅架...我都好想去呀.....不過....去3、5、7日我絕對冇問題喎...去耐啲就要認真plan吓喇!  不過黃小姐呀黃小姐....不如我哋先嚟個南生圍本地遊玩吓先啦....不過要等你遊完埠番嚟先起得行喇...我等你呀!