安眠藥

唔知點解由細(小學開始)到大都有失眠嘅問題, 耐唔屎就瞓唔著, 有時甚至眼光光等天光添

...好多時都係原因不明, 當然有時候都會因為有壓力、唔舒服彧者心情唔靚而瞓唔著啦...不過好奇怪, 喺我印象當中最嚴重嗰次失眠(一個禮拜有三、四晚完全瞓唔到)竟然係發生喺我讀書嘅時候...當時應該係讀梗TC嘅Yr 2...嗰陣重放梗暑假...真係古怪...明明記得當時冇乜煩惱, 又冇乜嘢唔開心, 更加冇病有痛, 不過就好無厘頭咁失眠

!! 話時話雖則嗰排瞓唔到覺, 不過又真係唔覺得攰(哈!我都話我有精神病架啦)

.....

由於lee排又唔多舒服, 攪到又失眠....不過都算好彩, 每日都起碼可以瞓到2-3粒鐘....都好過冇

!! 上禮拜去睇中醫師嘅時候就順便問佢有乜食療可以醫吓失眠...其實佢個答案又確係冇乜新意...都係叫我食多啲"元肉"(龍眼肉乾).....於是今日喺公司搵吓啲有關元肉嘅食譜

....

見lee排秋風起又乾乾哋所以煲咗個糖水

.......都ok喎...希望今晚好瞓啲啦!!