為咗應付嚟梗嘅"星洲慘慘慘"(暫名)之旅, 連日嚟都喺公司努力不懈咁溫習個system啲financial modules...好似FA, AP同GL...重慘過會考
! 明明人哋平日做開logistic嘢, 無啦啦叫我去星洲做老師, 重要去教finance嘢...頂
! 不過都好嘅, 係咁先會的起心肝去學, 家陣又真係明白咗好多finance 嘢...唔係嘅話永遠都係得半桶水....不過家陣都啱啱pick up到, 要扮專家去教啲其他國家嘅I.T.人確係好抆水
!趁重有幾日真係要開turbo先得再惡補吓先.....話哂我係香港代表, 影衰大家就唔好啦!
除咗溫習個system啲嘢之外, 重要當然係要溫吓啲星洲旅遊書啦....其實師奶仔上個禮拜已經喺櫃底摷番本2001年出版嘅星洲旅遊書比我, 真係唔該哂...之但係本嘢話哂都成6年幾前.....雖則未至於係古董....但係好似唔多update喎!
又咁啱lu lu又自動投案話我知佢個妹又有本星洲旅遊書....咁我就梗係掃埋佢啦...2003年出版...應該update啲掛.....
點知.....一睇.....頂....啲內容竟然....EXACTLY THE SAME
.......乜個出版咁鬼無良架....加咗兩版summary同改咗個cover 就當新版!
就係lee兩本嘢喇....個封面好似好唔同咁....but.....
真係一模一樣架...啲圖片同字唔執吓都算啦...連page number都一樣, 真係冇得頂......
....駛唔駛咁懶呀....不過....睇完lee兩本書之後我有理由相信lee兩本書都係update嘅....星洲果然係一個勁悶嘅地方...連景點都一成不變
....話時話若然我去圖中lee間coffee shop
飲嘢可能都係見到lee兩位姐姐仔坐番喺同一個位擺番同一個pose飲梗同一杯嘢
....問你怕未! 雖則係咁, 見師奶仔同lu lu姊妹花咁有心搵本書比我, 為咗唔好辜負佢哋....我就兩本都帶哂去,一、三 、五就睇師奶仔嗰本, 
二、四、六就睇lu lu姊妹花嗰本...真係唔該哂呀咁多位.....
唔駛咁煩啦‧到時自然有星洲哥哥仔陪你玩。希望你唔會悶到反肚啦‧哈哈哈
回覆刪除星洲都冇帥哥架啦.....算罷啦!!
回覆刪除