又買...

今日放工又去咗黃金買NDS....咪以為我傻咗買完又完,其實今次係幫大家姐買架!話說前兩日佢無啦啦打電話比我問我部遊戲機幾錢有乜game etc...原來佢喺街見到啲人NDS入面有佢好鐘意嘅game玩,所以想買番部 (佢話係射飛機嗰啲game嚟架,不過冇名都唔個點search!)....

今個星期五約咗大家姐開飯,所以我今日就去咗買機...希望星期五之前搵到個game 比佢啦!頭先順便幫大家姐買埋個機套啦, 我見自己部機用膠套都幾靚仔, 所以幫大家姐揀咗個膠套...點知黑色機用膠套真係好Q肉酸....真係超勁後悔,早知買個膠盒算啦!

大家姐話黑色襟污遭啲.....所以揀黑色!

家陣可以左手同右手對打...勁!話時話我都係鐘意自己嗰部姣姣哋嘅粉紅色多啲!

至於我呢.....唔知點解部機有十幾個game,但係就對"Zoo Keeper"情有獨鐘,玩嚟玩去都係Zoo keeper 同Zoo Keeper,重打爆機添....我諗都係時候搵番啲新game玩吓........大家有冇好game推介呀!