空中飛人

見今日唔駛番工,所以就搵咗嗰師傅仔上嚟駁好條冷氣喉等部冷氣機唔好再滴水....於是我就去咗屋企樓下街市唯一一檔整冷氣喉嘅師傅仔幫手....不過一見到個師傅仔真係有啲想打退堂鼓搵過第二個....事關個師傅人個款好似"古惑佬"...佢個頭染到好金,手臂又紋哂身,又黑黑實實咁...確實有啲得人驚

.....不過附近又冇第二啲選擇,唯有頂硬上照問啦.....

唔知係咪街坊生意嘅關係,價格又唔算貴喎,3舊水有找.....梗係即刻仆鎚啦(而且同師傅仔傾完兩句又覺得佢唔係想像中咁得人驚

).....於是就叫師傅仔上屋企整

冷氣喉....正當師傅仔喺我屋企門口鋸梗嘢嘅時候個管理員叔叔又嚟到...原來又係樓下投訴滴水!又估唔到樓下個位客同埋管理員叔叔反應咁快 (我都係開咗個冷氣20分鐘左右啫).....唉....斷正添...唯有同管理員叔叔耍個冧啦!

連

師傅仔都有幫口話好快攪掂!

師傅仔又真係手腳快喎,一陣就攪掂....查實整得好唔好我又真係唔識分,不過師傅仔又確實製作認真,拆哂窗花成個人企咗出窗口(當然有綁安全帶啦

),之但係之前裝冷氣機個哥仔都唔駛出呢招.....見到師傅仔咁博都有啲驚.....不過又真係估唔到外表似"古惑佬"嘅師傅仔會咁博咁認真工作喎...確實人不可以貌相!

師傅仔真係成個人企出窗口架...話時話若然我唔講,大家淨係睇張相,會唔會以為有賊想爬入屋呢!