十年都唔逢一潤嘅聚會

前兩日收到瑪姬電話,佢話Sunny哥哥想約啲舊同學仔出嚟開飯聚一聚(即今日).....woow...難得有成班朋友仔陪我開飯(雖然唔知有幾多人同有邊個會去

),我當然奉陪啦!查實出嚟嗰啲同學仔又確實十個有八個都唔多熟,不過咁耐冇見都好想見吓.

一排冇見,又真係有啲驚喜喎, 原來瑪姬同小慧都就嚟做媽媽,真係恭喜哂!Sunny哥哥重堅,做咗副總裁,真係威!話時話以前讀書嘅時候同啲同學仔嘅話題總係離唔開食同玩(偶爾都會傾吓功課嘅),但係家陣就會講吓車

、樓、狗、股票甚至係湊仔經!以前傻吓傻吓甩皮甩骨嘅朋友仔(大家係咪即刻唔認係嘅朋友

)真係唔同哂!

準媽咪小慧同以前一樣...都係咁靚女....

Sunny哥哥係咪成個老細咁款呢...

  

下次唔知幾時先再見呢!

又話時話其實係老趙叫我影啲相比佢睇架,佢話咁耐冇見大家好想睇吓大家變成點...老趙呀老趙下次你親自出嚟睇啦,我哋個個都係"真人靚過上鏡架"!