怪談二之搭lift

睇番上一次寫嘅怪談...原來已經係07年嘅事....估唔到今日竟然又要寫呢個topic...希望唔好有第三次!! 真係有怪莫怪...從來都唔係太驚七月十四嘅亞祖...竟然喺呢日遇上離奇事...莫非真係貢堅....(雖則真係好驚...不過...都想記低佢haha)

話說尋晚(即農曆七月十四)...亞祖夜晚晚(其實都係十點半左右啫)一條友搭lift番屋企...入到lift冇幾耐就聽到一啲雜聲...好似有人講嘢嘅聲音...我不以為然, 重以為係唔小心開咗電話入面啲短片所以有聲...

基於自然反應...我就拎部電話出嚟睇啦....點知...乜都冇開到...點解重有聲架..呢刻真係開始驚喇....我再細心聽吓係乜聲啦....乜有兩母子傾偈架 (有一個細路...應該係男仔...同個女人...應該係佢媽媽)...之但係...成部lift得我一個人咋喎....

嘩! 呢刻真係超驚....由於環境太靜嘅關係越聽越清晰同大聲....唉...我唯有一邊驚一邊祈禱....真係要"神呀...救救我!!!"....都唔知點解架lift好似行得特別慢咁...就係咁呢兩把聲就陪咗我搭咗廿十幾層樓...真係好唔容易先到步...出咗lift又真係冇哂聲...好在有驚無險!...都話平時唔好咁八掛偷聽人講嘢架啦!!

唉...睇怕呢期搭lift都係聽住歌仔搭穩陣啲...希望以後時運高乜都聽唔到啦!!