想寫好耐又搵唔到時間寫...今日要完成埋佢先!! 呢個trip已經係成個月前喇....趁7.1假期去咗令人懷念嘅 (排骨仔真係成日都話好懷念佢架...haha)...雅居樂...話時話大大話話都有四,五年冇去喇!!!
晨早就要出發...真係搭車又搭船架....今次我哋卜咗酒店住...環境唔錯...間房都幾大架!! 放好行李就出去食lunch喇....
一如以往..都係去番呢間食...都係叫番呢啲嘢....保持到水準喎!!燒乳鴿好味!!
之後就去咗餵魚仔喇.....餵完魚仔又要餵吓自己...整番碗糖水先!!食完糖水就去咗揼骨....爽呀........太c服真係瞓咗幾覺!!
骨完又食....haha....都係之後成日去嘅地方....難得大部份食肆都冇摺埋喎!勁!!
食飽重去咗附近嘅super market shopping....係咁買買買....番到酒店個個都唔捨得瞓...meme話要玩UNO添...11點幾喇都唔瞓呀....haha!
沒有留言:
發佈留言