小熊貓綠茶紅豆蛋卷

又嚟喇...又係團購呀...hehe...我同家姐呢期都中哂毒...佢就一味搵嘢食...我就一味搵嘢玩!! 其實呢個一見到呢個蛋糕真係非常like..即買!!!話哂一場同鄉點都要支持吓佢架嘛....你睇幾多熊貓仔!!

開頭見佢話兩粒鐘就整到以為佢會揸流灘....乜Q都準備好啦...典知原來除咗整熊貓仔啲蛋糕漿攪咗之外...其他都要自己整呢!!

當然咁整先學到嘢....不過對於好似我呢啲好日都唔整吓餅嘅人要喺2粒鐘嚟完成佢.....真係超勁趕!! 加上大部份同學仔都係平日唔多入廚房...真係好呢hea....所以好多同學仔都整得唔太好...變哂火星熊貓....眼耳口鼻黐埋一舊...其實可以執靚仔啲架...又唔比時間人哋(真係幾分鐘咋...洗唔洗貢趕呀!!!)...有啲同學仔連個綠茶蛋糕都整到硬哂!!

慌忙之中總算完成...雖則唔算靚仔....起碼個綠茶蛋糕尚算ok...略嚴唔夠鬆軟...(唉...真係連攪蛋糕漿都超趕呢!!!)...好在個公仔都似番熊貓!!!