同陽光玩遊戲@南丫島

星期日同咗家姐佢哋一齊去南丫島玩...唔覺唔覺原來對上一次同屋企人去南丫島已經係十年前嘅事...又估唔到南丫島真係keep得幾好...十年如一日...印象中佢真係冇乜變喎!

我哋搭點半嘅大飛出發....大慨搭半粒鐘船就到喇....

影番幾張"到此一遊"先.....

見到啲糕點好似幾吸引...忍唔住停低試試佢先...都唔錯! 食飽就繼續行...行去邊?! 話咗要同陽光玩遊戲架啦...梗係要去沙灘啦....

出發前一晚重落狗屎...今日就熱到飛起! 都好...起碼好天嘛...熱少少都ok啦!

千辛萬苦...終於到沙灘喇....兩位美少女梗係第一時間換番套水著先啦...肥師奶同排骨仔又玩沙灘波又浸吓水...不知幾爽...meme就掛住玩堆沙沙....自得其樂呀! 亞祖呢...咪就係一邊擔住把遮一邊做攝影師囉...haha!

玩吓又食吓好快又太陽落山喇....行去食晚飯喇....趁天黑前行番出去先....不過見景色好似唔錯....諗住一路行一路影相啦...典知就出事啦....停低一陣啫就比啲餓蚊圍攻....比佢哋針到一身都係! 人人有份...唉!我又係最受蚊蚊歡迎嗰個喇....嗚嗚嗚嗚!

終於行到去食晚飯嘅地方喇....嘩...好多海鮮呀....

啲食物都唔錯...有椒鹽鮮魷..辣酒煮花螺...豉汁炒聖子...炒飯一碟...

重有蒜蓉蒸扇貝...椒鹽賴尿蝦....芝士焗龍蝦....肉蟹蒸燸米飯....真係超飽呀!

有幾飽...咪就係....3隻嘢都好似唔多掂檔喎......hahaha...其實最後得一個獲利回"吐"啫...你估唔估到係邊個?!