話咁快就過咗6日喇.....今日要走喇.....又要番香港捱驑仔...嗚嗚嗚!
唔理啦....玩埋今日先....食完早餐去咗Emporum...又係買買買....啲五顏六色嘅棉花糖好靚呀....唔同色有唔同味道架.......我都買咗pack比肥師奶.......頭先家姐打比我...佢哋食咗啲....重話幾好食添呀...hehe
行咗陣又整番杯雪糕先...都係Swensen's出品...好味!
行吓行吓又參唔多兩點....要趕番酒店check out喇 (酒店比我哋late check out呀)....lunch都喺番酒店食....都係食炒貴刁....炒河粉同咖哩...本來想盡最後努力骨多一嘢架...不過真係趕唔切喇....都係執埋包袱去機場罷啦!
去到機場都係掛住食....又係芒果糥米飯....其實...我哋前前後後買咗4盒...上機前食兩盒....食完個飛雞餐又隊兩盒...真係密過食藥..haha!
總結今次嘅旅程....可以用...喪買喪食同喪揼嚟形容....我哋亦都用咗呢先hea後趕嘅策略....日日唔捨得出酒店門口....之後嘅行程就趕餐屎...haha....hea得嚟有啲趕咁啦! 總括嚟講都係玩得開心嘅! 呵呵!
話時話...今日一次過寫哂成個遊記...真係好堅...要掌聲鼓勵一吓自己先!
[版主回覆12/07/2009 01:15:00]haha....啲掌聲好"熱烈"吓喎...多謝!!
回覆刪除真係利害，全程都係食，骨，買，唔怪得你返來個臉肥左咁多啦！
回覆刪除[版主回覆12/08/2009 00:07:00]really?!...查實我次次都係食完又痾....haha
oh....i miss Swensen's very much !!
回覆刪除[版主回覆12/09/2009 23:48:00]下次外賣一杯過你....haha!