泰好玩09 - dAy1

好! 終於捨得開始寫我嘅遊記喇....唔好以為我偷懶呀....今日喺屋企執咗半日相架喇.....執咗頭一兩日嘅相都已經好鬼後悔...因為今次都影咗幾多相吓...又揀又執....真係眼都花!

本來諗住改個subject做"三對爛拖鞋@泰國"架.....無他嘅....我哋幾乎日日都踢拖出街囉...不過原來我唔記得影嗰三對爛拖鞋呀...所以最後改做"泰好玩"...嗯....呢個名....好似啲旅遊書名....係....其實....我真正嘅身份係"胡慧joe"!!

言歸正傳...講番個遊記先....呢日係11月28...星期六....今次好型...搭下晝機....貫徹一下hea嘅作風.....下晝兩點幾先施施然咁去地鐵站...我都好耐冇搭"機鐵"喇...難得有半價.....真係天時地利人和都夾哂...唔搭都唔得啦...hehe.....

無錯我哋就係搭呢班機架喇....乜去"卡拉奇"嘅?原來曼谷係中途站嚟架.....所以好多外籍人仕搭呢班機....

呢個時間啱啱日落...好靚呀....

有嘢食喇....又估唔到ok好味喎....不過冇咗個包呀.....

終於到喇....當地時間參唔多8點喇.....拎埋行李就搭的士去酒店.....

呢間就係我哋住足7日嘅酒店喇...太黑影得唔清楚添...影張日景補飛先!

間酒店確係新淨...住足7日...除咗價錢可以平啲之外..重送埋電話咔..唔錯唔錯!!

擺低嘢就出去威喇...我哋呢啲骨精強就緊係去骨吓先啦...典知...真係激屎我喇...超唔掂呀呢間....比我backlist咗喇..."Asia Herb"太差喇...幫我揼嗰位亞姐真係超唔掂.....冇力不特止...重係亂揼嗰隻....平時揼都係反一次身啫....呢位亞姐就將我反轉再反轉...都唔係step by step嘅....頭皮hea到夠鐘為止...真係極唔掂呀!

揼到一肚氣...要搵啲好嘢食"中和"吓先.....有好味嘅海南雞飯...串燒...芒果糯米飯....

係咪好靚仔呢....好味呀....兩條友食7咁食...超飽嘅"宵夜"呀....成點幾鐘先食嘢....食到參唔多兩點....真係攰屎人....