泰好玩09 - dAy3

尋日唔記得影早餐添....今日補番先....其實日日都係嗰啲嘢(你哋睇埋餘下嘅遊記就明架喇)....當然味道都ok啦.....唔係我哋點會食足6日呢!

食飽又出去hea...今日節目係shopping..重係"瘋狂"嗰隻..shopping途中經過四面佛!

行完一輪就去咗high tea (其實我哋已經去咗Naraya血併咗一輪架喇)....我哋去咗L'Espace食.....叫咗兩個tea set...原來真係好飽吓架...好在waiter叫我哋share啫..一人叫一個真係食滯都似.......

食飽又食 ?其實呢...我哋之後又行咗boots....買咗converse...(重有其他...真係太多...不能盡錄呀)....所以呢...係時候....坐吓抖吓喇.....

嗯...其實...我都冇乜買嘢啫...一人3袋...不過....袋中有袋之嘛....

買完又去擦餐勁....去咗建興....今次叫埋燒乳猪...個皮都幾趣...食完啲皮個waiter重幫我哋拎個燒乳猪殼去廚房....將佢斬件再炒...嘩...成大碟...真係投降喇...食唔哂!

行咗成日..真係腳仔軟...所以喺酒店附近搵咗間骨場揼吓腳..揼完先捨得打道回府!