FREE

 10月20日...星期二...係一個好"特別"嘅日子....呢日亞祖唔知做咗乜嘢好事....無啦啦...真係好無啦啦咁有人請食飯....hehe...

呢餐要多謝師奶仔....由於有$50 coupon嘅關係...呢期lunch餐餐捱美心MX...今次可以食餐好喇....整番碗湯先.....

一人揀一款主菜...姐姐同師奶仔就食魚...我試過確係幾好味...不過細碟咗少少!

有條茂利就食炸魚...呢個又鬼屎咁大碟...

我呢...就揀咗個海鮮飯....好味...多謝老細呀!

到咗夜晚嗰餐...呢餐重堅....話說星期二嘅朝早...喺公司樓下撞到關太(真係好日都撞唔到佢)...佢一嚟就話夜晚約咗亞美開飯重叫埋我添.....於是夜晚就去咗銅鑼灣開飯........先嚟碗翅先....好足料呀...

再嚟一碟雞....好味....

整多個魚先.......香噴噴...

呢個油麥菜都好好味......

翠玉瓜亦唔錯.....

再加多碟蝦球.....

食埋個甜品就非常滿足喇....多謝哂亞美同你男朋友仔呀!

星期二風流快活完...呢兩日又因為兩件事攪到冇哂心情...今日重做咗件想做好耐又唔敢做嘅事...非常之轟烈!! 橫死掂死....豁咗出去! 好多唔應該講嘅說話都講哂! 有時候...亞祖都會諗...工作...朋友....對亞祖嚟講究竟有乜意義呢...番工為錢?需要朋友係因為想搵個人吹吹水解悶? 可能...咁諗反而會舒服啲!