真係幣傢伙喇....呢期傻吓傻吓踩咗落個深淵度呀...重要係不能自拔...已經泥足深陷喇(呢兩句係頭先睇小鳳仙嗰陣抄番嚟架!!
)...係....我講嘅之唔係"紙黏土"呢家嘢囉...真係出事....
尋日番學...又幫襯咗老師喇...
...要整湯呀...所以要買彷真水......應該係彷真髮啲friend嚟架(haha呢樣嘢令我諗起一位舊同學...)........
.......
重有呢排超細碗...好可愛呀....
又添咗新顏料....都唔知典解比我攪到啲顏料咁dirty架!
嚟啦嚟啦...煮麵喇...要切定啲蔥粒同魚片先....再要搓麵粉....實不相瞞...個碗底係裝咗少少假狗嘅...hehe!
好...先嚟一碗魚蛋河呀老細!
再嚟一個雲吞米...
本來老師個sample係雲吞麵架...不過啲麵同雲吞撞哂色咁...所以加咗兩塊魚片點綴吓.......................
雙丸麵一碗......
最後再整多個雙丸河...我平時真係成日食呢個架!
由於亞袓實在太無聊喇...整完呢5碗嘢就勁影相...超低b..haha! 其實呢啲都係半製成品嚟架...要加埋啲湯先叫做完成架!
越嚟越喜歡呢個盒呀...上面可以擺啲散件...下面又可以擺製成品...非常好用!
唔好意思呀各位朋友仔....首批作品要送比家姐同留為紀念呀...你哋啲街數要稍後先還喇...放心....有拖冇欠!
哈哈 ! 初學係咁架 ! 呢個玩意真係好貴架 ! 你有排捱呀 !
回覆刪除[版主回覆10/03/2009 00:35:00]係...所以我已經打算之後會繼續學埋生果壽司等course....買咗啲材料就要玩盡佢..hehe!
唉 ~ 深淵中嘅妳 同 我呀 ~ !! 從此萬劫不復囉！
回覆刪除[版主回覆10/06/2009 00:38:00]係...我哋都係繼續沉淪落去罷啦!
你好呀,我而家响工聯會初學更呢d迷你食品課程,覺得幾好玩,請問你這些响邊度學架?和這些材料顏料碗等等,那兒有得買?價錢便唔便呀?
回覆刪除[版主回覆10/14/2009 00:36:00]Hi Emily... 咁啱嘅 ... 其實我都係喺工聯會學架咋 .... 啱啱上咗 4 堂咋 .... 查實我都想搵吓邊度有又平又靚嘅 " 架生 " 賣呀 ... 我之前上網都搵咗少少資料 ... 你可以睇吓啱唔啱駛 :
1. 中南文具 - 西洋菜街 2 號 Q 地下，三樓有很多手工材料 .
2. 手創拾派 - 洗衣街 167 號地下（在旺角火車站附近，太子港鐵站 B2 出口）
3. 香港美術用品專業中心 Art Supplies 電話： 23900228 地址：九龍旺角弼街 75-77 號地鋪 ( 洗衣街交界，太子地鐵始創中心出口 )
4. 藝林文具印刷有限公司 電話： 25114845 地址：香港灣仔洛克道 301-307 號洛克中心 3 樓
其實我淨係去過頭兩間咋 … 第二間比較多嘢賣 … 有碗仔碟仔 … 不過價錢考貴 !! 查實我聽聞工聯會賣嗰啲材料價錢都算合理架 … 不過就成日缺貨 …. 所以我都會繼續搵 source 嘅 … 若然有 update 資料我寫埋上卜啦 … 可以一齊切搓吓嘛 !