常平熱爆之旅

星期六、日、一 又同咗屋企人去常平玩, 今次陣容好強勁, 二家姐、大家姐、肥師奶嫲嫲同我一行八人浩浩蕩蕩咁搭巴士番大陸玩...之但係...肥師奶一上車就話架車好臭....一嚟就嘔

...

家陣次次同肥師奶番大陸(搭乜都好), 事先都要準備幾個嘔吐袋....真激死!

熬咗幾粒鐘車終於到喇....大陸天氣都係超熱呀...最啱游水! 由於第一日去到好晏勁多人, 所以第二朝一早出發去泳池....嘩!....真係一個人都冇呀...好筍....點知.....

原來洗梗泳池呀....又話全日開放! 呃人嘅...唯有坐喺池邊等啦!

肥師奶趁落水前做吓熱身先..........咪睇肥師奶肥肥哋, 其實佢身手都好靈活架!

終於落得水喇...學咗一排游水...排骨仔嘅泳術果然係有進步喎!

雖然我哋諗住早啲去游水冇咁迫...之但係原來朝早嘅太陽非常之堅呀, 攪到排骨仔哂到一忽忽, 最攪笑係佢塊面哂到有個泳鏡痕....我哋笑足佢兩日....

雖然天氣咁熱, 我哋嘅晚餐都係......一人一鍋嘅打邊爐....勁!