尋日lunch食飽飯冇嘢做去左公司附近嗰間滙豐銀行入票同打簿,查實都好耐冇去bank…對上一次去bank已經係幾個月前,都係用打簿機打簿咋, 重要係本簿仔嗰條磁帶唔work 打唔到放棄嗰隻…
尋日食飽都係1點8姐,橫掂時間尚早,而且又要入票同整番好本簿仔, 咁咪諗住襟張飛仔去counter 攪囉, 唔駛煩一嘢過…襟左張C478飛仔, 跟住咪睇吓”C”家陣叫到乜冧巴囉, 嘩!唔係fa…C366, 重有成112個先到!但係我都係唔信且,等一陣睇吓乜環境先…其實有好多人都係攞左飛仔之後發覺唔對路,走左唔等, but d teller 唔知邊d人走左,每哎一個冧巴都等吓有冇客仔黎, 等一排唔見有人黎先叫下一個冧巴,就係咁大家喺度鬥等!
嘩!咁等都唔係辦法,3點都番唔到公司啦,唯有放棄唔排,用左入票機入票(好左lee個唔駛排姐), 但係我又大鄉里第一次用入票機,都係去打吓簿check吓張票係咪入左穩陣d…唉! 我本簿仔當然係用唔到打簿機打啦, 跟住我咪走去問客戶服務嗰位亞姐囉,跟住佢話: “打唔到簿要襟張飛排隊先喎…”, 我心諗”頂!又排, 唔係fa”, 好彩今次排第二隻飛(E129), 等五個冧巴姐 …攪掂哂d嘢都2點10分,之後再去八吓”C”飛排到幾多啦…勁! C420…
查實你想講乜..睇唔出邊部分係重點 ....高人
回覆刪除哈哈!我不嬲寫嘢都冇乜"重點"可言架啦! 其實我袛係覺得銀行lee d 新制度嘅原意係好,若果人多嘅時候,啲人可以襟完飛,行陣街街先再去番bank整嘢,唔駛企定定喺度等,but 咁樣亦都令到d人等耐左,d teller 都要等埋一份,以前企定定排半鐘攪掂嘅嘢而家可能要排成粒鐘,有d弄巧反拙姐!
回覆刪除