大家久等喇, 呢篇我冇可能唔寫嘅, 其實LAST DAT嗰晚已經好想寫喇...不過要準備初馬之旅所以未有時間坐低好好整理HEA到今日先寫. 實不相瞞做咗咁多年嘢今次都係第二次經歷last day(其實應該係第三次先啱, 第一份工做唔夠兩個月就辭職, 不過我仲記得有位好有心嘅姐姐用張港幣$50紙摺咗個心心比我, 而呢個心心一直都放喺我銀包)....對上一次last day都真係N年前, 之前嗰份正式嘅長工都有二,三年時間....其實當時同啲同部門嘅同事唔算太投契, 都係同隔離HR同事friend少少, 己且做嘅年期又唔算太長, 同啲同事食過farewell lunch再影幾張合照之後就冇乜特別感覺, 記得嗰次仲係未搵到新工就resign添,好鬼型!不過上一份工真係冇乜開心時刻呢.....所以走咗都唔太失落...
反之, 今次其實真係好唔捨得(加上生離死別FEEL對我嚟講係超怕的), 喺呢度由少女做到中女, 同大家做過大大少少嘅project又出過trip又去過旅行又happy hour, 見住啲同事結婚生仔, 而我呢雖然仍然係單身, status上冇變, 不過中間都經歷咗好多波折,高山低谷都經歷過, 心態同思想都同之前唔同咗, 而當中好多難忘時刻都有同啲好friend嘅同事share....有師奶仔啦, 亞妹啦...喺我最唔開心,對人最失望嘅時候佢哋都喺我身邊聽我訴苦,陪我喊又陪我笑, 有啲關於自己嘅事可能連識咗我好耐嘅朋友或者屋企都唔知道....但係我都有同佢哋分享, 喺工作嘅地方搵到啱傾又令我信任嘅朋友真係好難得! 當我決定離開之後每次lunch同放工同師奶仔吹水嘅時候都好想時間過得慢一啲, 好多時講吓講吓大家都不期然眼濕濕.....除咗唔捨得就係唔捨得....
當然啦, 除咗師奶仔仲有姐姐, 媽媽同CAG班八婆啦, 每一位我都一樣掛住, 由其係同CAG班八婆去旅行真係好好玩呢, 一齊癲一齊狂食狂買真係好開心呢....希望守完行為幾個月可以再同大家去旅行....
呢餐就係farewell lunch喇...Mr. Steak semi-buffet lunch, 好好味, 多謝大家!
再見喇咁多位!後會有期......
個心心雖然白雪雪唔夠靚, 不過我搵咗好耐先搵到個APPS...雖則唔係exactly我想整出嚟嘅效果不過總算一點小心意送比大家!
沒有留言:
發佈留言