腳仔軟.....

其實呢個復活節冇乜安排節目....淨係想休息同休息...所以只係JOIN咗個團跑咋....出發前冇乜準備又唔清楚其實跑幾多K...就係咁出事啦!! 我有個壞習慣, 唔係比賽嘅話跑步前嘅早餐係超HEA架....晨早流流真係冇乜胃口喔!呢次又係咁, 食咗少少嘢就出發, 點知原來全程跑20K, 跑咗16K左右先坐低食豆腐花....之但係我跑咗7K已經肚仔餓...最慘係跑到10K嘅時候竟然腳仔軟跑唔郁! 正確嚟講左脾係超級攰, 好似跑完一隻全馬咁攰, 真係唔知發生乜事, 堅驚呀! 不過又唔似受傷, 只係堅攰, 希望抖多幾日冇事啦! 跑跑吓又冇哂力...唯有慢慢行番去體育館同大家匯合啦!

 

 

 之後又約咗朋友食飯, 幾個辣妹去川熙樓食辣嘢, 超正呀(其實唔係好辣, 不過啲食物好夠味...正呀,推介!), 跑完去喪食, 人生一樂也!