Buffet@Langham Hotel

 

 "食餐好"似乎成已經成為我嘅口頭禪...HAHA....大家一定覺得我好為食啦...嗯...你都啱一半啦!! 我確係可以好為食, 不過唔係經常係囉! 其實前排有個識得我耐嘅朋友仔同我講...."見你而家食番多啲嘢真係好喇!"....係呀...有段時間真係連食嘢都冇心情, 我喜歡食嘢架,不過要心情好身體狀態好先係囉! ......若然我心情唔好又或者病鬼咗,你叫我食九大簋我都唔會采你(通常呢啲時候真係食乜都冇味的)....胃口好嘅話麥記呀譚仔呀乜鬼都食一大餐,仲津津有味添!

查實我本身唔太揀飲擇食, 乜都可以食一大餐, 其實同啲朋友仔開飯嘅話我真係食乜都冇所謂, 我成日覺得"同邊個人食" 比 "食啲乜嘢"更重要呢!! 若然同好友食得真係相信食乜都開心架! 不過我啲朋友個個對食都好有要求, 所以我POST啲相出嚟大家成日覺得我去食好嘢囉...其實....真正係"我啲朋友成日食好嘢先啱"HAHA!

今餐我又有冇胃口? HMMM.....超.....級......飽囉!好味!