清涼團跑...

 

星期五又約咗團跑, 呢期幾乎每個星期都約團跑呢, 團跑又真係幾好玩, 好玩在可以去唔同嘅地方跑, 總好過單拖去跑唔識路真係跑嚟跑去都係嗰啲地方!同其他人跑又可以傾吓偈, 跑完又一齊食吓嘢, 好開心架!呢晚天氣真係好正(上次曬傷咗真係唔敢跑早抖住喇, 等再涼少少再跑早抖, 而家都係跑黃昏同夜晚時段好喇!

呢次我哋跑中山紀念公園-->西環--> 中山紀念公園 --> 中環--> 金紫荊廣場 --> 中山紀念公園...原來咁跑都有14K喎....呢晚天氣太爽, 加上成個星期冇跑好想跑吓, 跑跑吓重跑快咗....有啲位竟然去到3點幾彼醒...真係好似衝圈咁....難得做吓快腳....全程勁爽! 最LIKE跑海邊, 搵日自己去跑吓都好! 最正嘅係呢晚清爽有微風, 跑得好舒服, 咁啱跑完先至落狗屎, 沖完涼就停哂雨可以慢慢行去食晚飯喇(應該係宵夜先啱HAHA)....