祖祖生日飯@小蝶...

今年生日流流第一個活動就係搵大夫, 皮膚敏感啱啱先好番, 唔夠兩日又鼻同喉嚨發炎真吹漲, 原來以為生日可以放監食啲正常嘢, 點知又要繼續戒口...真吹啤!

呢餐本來想食泰國菜架...最後都要變陣食中式小菜,  最後揀咗去小蝶,臨近新年恐怕啲朋友仔要食好多餐中菜呢, 怕佢地食到悶所以揀呢間, 中式得嚟啲食物比較有特式唔會悶....

好滿足嘅一餐, 成個月嚟食得最豐富就係呢餐喇...HAHA!一係冇得食, 一係係咁食....第二晚又食annual dinner, 星期日又食另一餐生日飯...HAHA...不過,為免一次過食太多...annual dinner只好戒一戒口...星期日餐生日飯再食過...呢個策略係咪唔錯呢!