2月之星生日飯@東海

星期日約咗啲卜友仔去我屋企整餅之後再齊齊去食2月之星飯,同啲小朋仔一齊整曲奇真係好攪笑呢! 好在啲曲奇都冇失手, 大家食得好開心呢! 玩完整餅就去開飯喇...

今次都係食中菜,呢期啱哂我呢, 唔知係咪戒咗口成個月, 好恨食番餐正常飯呀, 尋日有朋友仔問我生日飯想食乜嘢? HAHA...我都係答佢"我想炒餸食飯呀..."....未食厭咩? 老實講, 唔知點解同啲朋友仔去啲long trip(大慨都係十零日左右吧), 次次食多幾日當地嘅食物大家都話厭嘅時候我又真係冇呢個感覺喎! 可能我覺得入鄉隨俗, 又唔係叫你日日食,食同一樣嘢,食足幾個月...頂多兩星期吧, 何厭之有呢?!

好耐冇去東海食飯喇....啲食物又唔錯喎! 有啲都幾特別, 好味!