上星期六公司攪咗個anuual dinner...今次嘅地點係九龍灣國際展貿中心...由以前嘅會展變咗展貿...都知道"今非昔比"架喇!! 查實上年因為金融海嘯嘅關係...連annual dinner都取消埋..今年有得食已經算係咁啦...雖則地點唔多就腳...展貿啲嘢亦出名唔好食...不過本著"唔駛錢有飯吔"嘅心態...照去可也!!!
今年annual dinner嘅主題係"懷舊之夜"...又估唔到好多人都悉心打扮一番....一街都係啲"假髮",迷你裙"同"喇叭褲"...超攪笑!
夠鐘埋位喇....終於可以坐定定....
今次終於搵番個"潮"少少嘅司儀...係"李思捷"呀...嗯....杜德智、陳恩健同李麗蕊又唔係唔好...不過感覺上真係out咗少少囉....而且"李思捷"除咗做司儀之外重表演埋唱歌...當然係佢最拿手嘅扮鬼扮馬啦...佢扮劉華同城城確係好得呀!
至於食物方面真係...
估唔到食慣垃圾嘅亞祖都會頂唔蒲...我認輸喇...真係未食過咁難食嘅嘢...頭兩碟都正正常常比佢呃到...直至第三碟"蝦丸"(即下圖最右手邊嗰碟)...咬咗啖...乜個味道有啲怪..再咬再啖...真係"霉"架喎...典先! 咬完兩啖即刻放低啦...其實...我已經算食得多喇....隔離左右都係咬咗一啖即掉! 之後又有碟經典嘅罐頭蘑菇+小棠菜+"假"髮菜....(佢啲髮菜重多過我啲頭髮...聽聞髮菜呢家嘢已經瀕臨絕種...點可能重搵到咁多嚟食呢?!真係impossible!!)...啲嘢唔止係難食...重要食埋啲唔知乜嘢假貨...超難頂!
唉....吔完個臭蝦丸之後大家已經冇乜食慾...真係非常唔飽嘅一餐...唯有自費去食碗糖水開心吓啦! 成晚都係呢幾碗嘢似樣啲!
呢餐咁經典嘅annual dinner當然會比我哋唱九年啦...不過...最經典嘅係....尋日竟然有人問我哋食完餐飯有冇唔舒服....原來我哋呢邊都有兩位同樹食完餐飯個肚仔唔舒服....聽聞樓下都有成堆人中咗招...唉! 確係非常難忘嘅一餐!!!
終於知道乜嘢叫"光棍佬教仔"...真係...."便宜莫貪" 哦! 唔駛錢都要諗過!!
F
回覆刪除