無無聊聊嘅亞祖近日又開始上黏土班喇....今次都係整中式嘢....一嚟就整啲簡單嘅嘢先啦...就由嫁女餅開始.....話時話原來班入面有兩個準新娘呀...佢哋都係諗住整啲黏土嘅嫁女餅作為送比賓客嘅禮物...確係有心思呀!
查實睇落好似好簡單....不過個"囍"字要印得準成確係有啲難度呀...
個"囍"字就係用呢個印印出嚟架喇....
呢幾舊嘢其實係橢圓形架....呢個角度真係睇唔出囉..haha...究竟呢幾舊係乜? 嗯...其實未完成架.....下次再話你知呢幾舊係乜東東啦!
咁..呢兩個餅餅又係乜呢...好謎?!
重有兩件.....又係乜嚟呀?
太近鏡會唔會好難估呢...比個遠鏡你睇啦!
之前我重以為今次個course嘅老師同上次一樣...點知....原來上課地區唔同.....個老師都換埋....可能今次個地區比較偏啦...全班得7個人咋...上次我去尖沙咀上堂有成30幾人一班...真係蚊比同牛比...不過...其實少人係好啲嘅...起碼唔駛爭位坐嘛...之但係呢...呢位老師嘅教學方法同之前有好大分別...甚至用嘅顏料都完全唔同架! 要由頭適應過喇!
你咁聰明一定冇問題ge!
回覆刪除[版主回覆01/16/2010 00:33:00]haha....查實....朋友仔之中....真係冇乜人用"聰明"嚟形容我...你....日行一善嘅行為令我非常"揀動"!!
呢幾樣會唔會係蛋糕、合桃酥、皮蛋酥呢???
回覆刪除[版主回覆01/30/2010 00:22:00]嘩...好勁...全對呀...典解你可以連皮蛋酥都估到架?!利害!!利害!!
真係啱哂???其實我只係朝住中式禮餅去諗咋~~~
回覆刪除想請教你,果d黃綾、白綾..等上面個囍字係點樣整上去嫁,因為我果時係就咁寫上去嫁咋,寫好核突囉~~~~
[版主回覆02/01/2010 00:44:00]嘩...寫上去真係有啲難度呀....其實個"囍"字就係用呢個印印出嚟架咋....都係幫趁老師買架...$22一個...駛唔駛幫你買個旁身?