OUT爆西餐班(八)

難得呢幾晚從良...晨早番屋企抖....係時間寫埋幾篇OUT爆西餐班系列...希望3月前可以寫哂啦!

今餐又有好餸.....有3樣嘢咁多.....第一樣就係帶子南瓜湯喇....真材實料架....成兜南瓜...成兜嘢見到都飽呀..........

啲帶子雖則係雪藏嘢...不過粒粒都好大吓架!

啲南瓜就用啲上湯再加啲洋蔥煲煲佢.....

煲完再用攪伴機攪爛啲南瓜...再煲番熱佢....夠哂杰撻撻....連麵撈都唔駛加!

再彫埋花就上得枱喇!

另一味就係煎薯餅喇.....將啲薯仔刨絲再加啲煙肉...

再將啲薯仔絲整到一餅餅拎去煎.....

攪掂....味道都ok喎...

呢兜係雞扒嚟架......

今次係芝士焗雞...不過...芝士好似唔多夠....再多啲就更好味....典解有兩塊冇芝士嘅?因為有個同學仔唔想加芝士所以有兩舊係齋焗囉!

都焗得幾靚架!排骨仔不知食得幾知味....